La utilizazion de corezion diferenziâl in timp reâl e je la metodologjie plui convignint e produtive par operâ rilêfs GPS\GNSS parcè che e permet di miorâ rapidementri e diretementri sul cjamp la acuratece des misuris.
Il servizi di posizionament in timp reâl, furnît da la Rêt FVJ, al distribuìs corezions diferenziâls sedi di codis pe navigazion cun precision metriche (DGPS) sedi di fase pal posizionament cun precision di cualchi centimetri (RTK). Lis corezions diferenziâls a son disponibilis in modalitât sedi di rêt sedi riferidis ae singule stazion master.

Lis soluzions di rêt a son realizadis cun chei sistemis achì:

- VRS (Virtual Reference Station): l’utent al mande al centri di control la sô posizion aprossimade. Su la fonde dai dâts des stazions permanentis convicinis, la rêt e gjenere une stazion virtuâl vicine al rover e i mande une corezion personalizade.

- MAC (Master Auxiliary Concept): la elaborazion di rêt e consist tal stimâ lis diferencis tra i dâts di une stazion (Master) e chei di chês altris (Auxiliary), ridusint dutis lis oservazions al stes nivel di ambiguitâts interiis. Lis informazions a vegnin impachetadis in mût compat e mandadis al ricevidôr rover cence realizâ nissune modelazion spaziâl. L’utent al po sielzi la maniere plui oportune par elaborâ i dâts ricevûts. Pe modalitât MAC al covente doprâ il formât RTCM te version 3.0 e seguitivis.

- I-MAC (Individualized MAC): al è un metodi pareli al VRS ma lis corezions a son riferidis a une stazion reâl e no virtuâl.

- Nearest: i ven mandade al utent la corezion provignint da la stazion permanent plui vicine al rover.

Lis carateristichis des corezions diferenziâls di rêt distribuidis a son riassuntis in cheste tabele:

 
Mountpoint Tipo di Soluzione Formato
SingleBase_RTCM23 Nearest – RTK RTCM 2.3
SingleBase_RTCM31 Nearest  – RTK RTCM 3.0
VRS_RTCM23 VRS – RTK RTCM 2.3
VRS_RTCM31 VRS – RTK RTCM 3.1
VRS_CMR VRS – RTK CMR
MAC_RTCM31 MAC – RTK RTCM 3.1
IMAC_RTCM3 IMAC – RTK RTCM 3.1
 

Ducj i Mountpoints in precedence elencâts al covente che a sedin mandâts de bande dal ricevidôr rover cuntune stringhe NMEA (GGA position) par identificânt la posizion. I mountpoint ‘ SingleBase’ no furnissin une soluzion di rêt ma a son in stât, a mieç de stringhe NMEA furnide dal rover, di individuâ la sô posizion e di trasmeti la corezion diferenziâl riferide a la stazion permanent plui vicine (Nearest) al rover in chel moment.

I Mountpoints achì sot elencâts si riferissin aes singulis stazions permanentis e a furnissin soluzions sedi DGPS sedi RTK:

 
Mountpoint Tipo di Soluzione Formato
Ampezzo_DGPS Singola Base – DGPS RTCM 2.1
Ampezzo_RTK Singola Base – RTK RTCM 2.3
Bevazzana_DGPS Singola Base – DGPS RTCM 2.1
Bevazzana _RTK Singola Base – RTK RTCM 2.3
Barcis_DGPS Singola Base – DGPS RTCM 2.1
Barcis _RTK Singola Base – RTK RTCM 2.3
Cervignano_DGPS Singola Base – DGPS RTCM 2.1
Cervignano_RTK Singola Base – RTK RTCM 2.3
Gorizia_DGPS Singola Base – DGPS RTCM 2.1
Gorizia _RTK Singola Base – RTK RTCM 2.3
Pordenone_DGPS Singola Base – DGPS RTCM 2.1
Pordenone _RTK Singola Base – RTK RTCM 2.3
MoggioUdinese_DGPS Singola Base – DGPS RTCM 2.1
MoggioUdinese_RTK Singola Base – RTK RTCM 2.3
Tarvisio_DGPS Singola Base – DGPS RTCM 2.1
Tarvisio_RTK Singola Base – RTK RTCM 2.3
Trieste_DGPS Singola Base – DGPS RTCM 2.1
Trieste_RTK Singola Base – RTK RTCM 2.3
Udine_DGPS Singola Base – DGPS RTCM 2.1
Udine_RTK Singola Base – RTK RTCM 2.3

 
L’acès al posizionament in timp reâl al è realizât par internet a mieç di un NTrip caster (Networked Transport of RTCM via Internet Protocol) acessibil su http://gnsscaster.regione.fvg.it:8080 o ancje su http://193.43.178.173:8080

L’acès al servizi in timp reâl al è gratuît ma regolât a mieç di credenziâls di acès (username e password) che si po domandâlis mandant par mail il modul di domande, oportunementri compilât, che si discjame te sezion Modulistiche di cheste pagjine.

Si consee di fâ riferiment al manuâl operatîf dal rover o ben al rivendidôr par une corete configurazion dal ricevidôr pe utilizazion des corezions diferenziâls in timp reâl mediant di NTrip.
Modul di domande account Ntrip
Il modul al è di spedî a cheste e-mail: rete.gnss.marussi@regione.fvg.it

.